Á einhver Jurtir handa mér?

Jurtir taka mikið pláss í lífi mínu um þessar mundir. Mér finnst endalaust heillandi að fylgjast með þeim, sjá hvernig ljós og vatn breytist í efni. Morgunfrúrnar eru komnar út í aðlögun og ég er eins og ofverndandi mamma að passa þær. Ég treysti engum börnum úr hverfinu þessa dagana. Ég sé skemmdarvarga í hverju horni :) Lavanderinn og Lóbelían eru enn í stofuglugganum, ekki alveg reddí fyrir aðlögun ennþá :) Reyndar hugsa ég að ég prófi að setja Lóbelíuna út á morgunn ef vel viðrar. Chiliið og steinseljan eru að koma mjög vel upp, ég þarf að fara að setja þetta í fleiri potta, of þétt sáð. Rósmarínið er líka að standa sig vel. Myntuna skil ég hinsvegar ekki alveg, en ég held áfram að vera þolinmóð. 

En mig ýmist vantar, langar í eða bráðvantar eftirfarandi tegundir:

Garðabrúðu, Brenninetlu, Valurt, Úlfarunna, Maríustakk, Blóðberg, Sortulyng, Hjartafró, Humla, Slöngujurt/Silfurkerti, Krókalöppu/Búrblöðku, Rauðsmára og Hjartaarfa! ýmislegt annað kemur til greina líka :) 

 

 

Athugasemdir

[Steinunn Helga Sigurðardóttir, 30.5.2007 kl. 19:35]

ég er líka á kafi í garðinum mínum, ég é nóg af brenninetlu, og ýmsu fl. en ég er li dk, þannig að málið versnar aðeins.

vonandi er einhver nálægur sem á eitthvað af þessu handa þér.

ljós til þín

steina 

[Eydís Hentze Pétursdóttir, 31.5.2007 kl. 08:56]

Það er alltaf til nóg brenninetla í DK, það hefur aldrei vantað :) Ef ekkert gengur, þá fæ ég kannski einhvern til að smygla fyrir mig nettlu frá DK, þetta er svo ótrúleg jurt!