Hvaða aðgerðir?

Ég hlakka til í að grúska frekar í þessu máli og sjá hvaða aðgerðir norsk heilbrigðisyfirvöld hafa farið útí og hvort það hafi haft "aukaverkanir" af öðru tagi, svo sem fjölsgun á meðgöngueitrunum, fyrirburafæðingum og svo framvegis.

 

Þyngstu börn heims fæðast á Íslandi

Athugasemdir

[ex354 (IP-tala skráð) 20.9.2007 kl. 09:57]

Staðreyndin er einfaldlega sú að fólk hérna er að verða allt of feitt. Ekkert má segja við því annars er maður að "ráðast" á fólkið. Samt getur sumt fólk varla hreyft sig vegna offitu. Og hver endar með að borga brúsann? Við hin. Þetta kostar heilsugeirann enga smá aura.

Við búum í hraðari samfélagi, sem býður upp á næringarlaust rusl fæði, allt of stóra skammta af því og sykurbættar "heilsuafurðir". Heilbrigð skynsemi ræður ekki hér lengur, heldur græðgi og neyslusýki.

Sorry ef einhver verður móðgaður, en þetta er bara satt.

[Hilda (IP-tala skráð) 20.9.2007 kl. 10:59]

Skiptir virkilega aðeins máli hversu þung börnin eru, þarf ekkert að taka tillit til hæðar? Ég hélt að 5 kíló og 56 sm. væri til að mynda innan eðlilegra marka.

[Benedikt Halldórsson, 20.9.2007 kl. 12:45]

Sjálfur léttist ég um 30 kíló en ég tel mig ekkert svo viljasterkan en ég held að góð "hernaðaráætlun" geri útslagið. Ertu til í að kíkja her inn, mig langar að fara í Heitar umræður, ég tel að það vanti góðar umræður um offitu, jafnvel gott rifrildi. þarft ekkert að segja, bara setja X sem innlitskvitt. Takk fyrir og afsakið frekjuna.

[Harpa Magnúsdóttir, 20.9.2007 kl. 13:54]

ex354. Næringarlaust rusl fæði í stórum skömmtum, sykurbættar heilsuafurðir og annað álíka er vissulega valdur af offitu og næringarleysi. Held við getum alveg verið sammála um það að það er líkamanum ekki hollt að borða tilbúna fæðu uppfulla af ógeði. 

Fæðingarþyngd stýrir þessu lítið. EIns og Hilda segir lengdin skiptir líka máli. Við vinkonurnar áttum drengi með viku millibili. Annar var 55 cm og tæpar 18 merkur (4500 gr), hinn var  50.5 cm og tæpar 16 merkur. Sá léttari var samt "feitari" því að hann var stuttur. Báðir eru þeir samt grannir og spengilegir enda hefur skyndifæði ekki verið þeirra aðalfæða. Held að það skipti miklu meira máli heldur en nokkurn tíman fæðignarþyngdinni og það að grípa inní slíka hluti getur valdið óvelkomnu stressi á meðgöngunni með tilheyrandi aukaverkunum.

[ex354 (IP-tala skráð) 20.9.2007 kl. 14:24]

Já Harpa, þetta eru sennilega tvær umræður. Ein um offitu og hin um fæðingarþyngd og hvað hefur áhrif á hana.

Mér sýnist þó að sérfræðingarnir séu að tala um þyngd vegna offitu og þá þróun að börn séu að fæðast of feit. Auðvitað hefur lengd með þetta að gera, en ég reikna með að það sé tekið inn í myndina. Þeas meðal lengd barna og þyngd, og niðurstaðan mæld eftir því.

[Oddný Jónsdóttir (IP-tala skráð) 20.9.2007 kl. 15:35]

Mér finnst þetta bara vera ein ástæða til að skipta sér af óléttum konum og gera meðgöngu að vandamáli.

[Eydís Hentze Pétursdóttir, 23.9.2007 kl. 13:51]

Og mörgum dögum seinna svara ég ;)

 Það sem ég átti við er að offita er aðeins hlið lélgrar næringar, hún irtist á svo ótal margan annan hátt á meðgöngu, svo og á öðrum tímum, en þeir eru svo sem ekki til umfjöllunar núna. Ég velti bara fyrir mér hvort það hafi dregið úr meðgöngueitrun og fyrirburafæðingum á sama hátt og það hefur dregið úr fæðingum á þungburum, í Noregi sko.  En samkvæmt kenningum sumra, má rekja hlua fyrirburafæðinga til lélegs mataræðis og ein eru til þeir meðferðaraðilar 8læknar, ljóssmæður og svo framvegis) sem líta á meðgöngueitrun sem alvarlegt ástand vannæringar og meðhöndla hana með breyttu mataræði, sem samkvæmt þeim, skilar árangri. Má þar meðal annars nefna Tom Brewer og Ann Frye. 

Svo má líka velta fyrir sér hvaða aðferðum mæðraeftirlitið ætlar að beita til að draga úr fæðingum þungbura. Á enn að auka vigtunarþráhyggjuna? Mun mæðrum fjölga sem eru sífellt á nálum fyrir mæðraeftirlitið vegna þyngdaraukningar? Hvar verður áherslan lögð? Á að sjúkdómsgera þetta enn frekar?